ഹൈദരാബാദ്: സിപിഐ (മാവോയിസ്റ്റ്) കേന്ദ്ര കമ്മിറ്റി അംഗം പസുനുരി നരഹരി (64) തെലുങ്കാന ഡിജിപിക്കു മുന്പാകെ കീഴടങ്ങി.
നരഹരിയുടെ ഭാര്യയും മാവോയിസ്റ്റ് സംഘടനയുടെ സംസ്ഥാന സമിതി അംഗവുമായ മേദാര ദാനമ്മയും കീഴടങ്ങി. തെലുങ്കാനയിലെ ഹനംകൊണ്ട ജില്ലയിലെ സോമിഡി ഗ്രാമക്കാരനാണ് നരഹരി.
ഈ വർഷം തെലുങ്കാനയിൽ 264 മാവോയിസ്റ്റുകൾ കീഴടങ്ങിയെന്നു ഡിജിപി സി.വി. ആനന്ദ് പറഞ്ഞു. സിപിഐ (മാവോയിസ്റ്റ്) കേന്ദ്ര കമ്മിറ്റി അംഗം മുപ്പല ലക്ഷ്മൺ റാവു ഉൾപ്പെടെ മൂന്നു മാവോയിസ്റ്റുകൾ മാത്രമാണ് ഇപ്പോഴും സജീവമായിട്ടുള്ളത്.